عملية التبادل تمت رسميااااا
كتب - خالد عصام
= لاميلا موجود دلوقتي في مدينة " اشبيلية " و بيجتاز الفحص الطبي ..
= بريان سيكون موجودا في لندن بعد انتهاء مشوار اسبانيا في اوليمبياد طوكيو عشان يمضي العقد اللي هيستمر حتي 2026 ..
= توتنهام هيدفع ٢٥ مليون يورو زيادة لإشبيلية ..
= عاجباني اوي ادارة توتنهام الموسم ده في الصفقات ، تحس بعد ما مورينيو مشي الدنيا اتظبطت معاهم ، بريان جناح قوي جدا , كان معار من اشبيلية ل ليجانيس في موسم 2019/2020 ، لعب معاهم ١٢ مباراة قدر يسجل هدف وحيد ..
= بريان بعد كدة اتعار من اشبيلية لايبار في الموسم الماضي 2020/2021 و دي كانت أرقامه الموسم الماضي
- لعب / ٢٦ مباراة
- سجل / ٤ اهداف
- صنع / ٣ اهداف
- معدل التسديد في المباراة الواحدة / 1.4
- معدل ال keypass في المباراة الواحدة / 1.8
- معدل ال dribble في المباراة الواحدة / 2.4
- دقة التمرير / ٧٨٪
= بريان لسة عنده ٢٠ سنة و المستقبل قدامه كبير اوي ، كون انك تفكر تضحي ب لاعب عنده ٢٩ سنة و علي مشارف ال ٣٠ زي لاميلا في مقابل موهبة كبيرة عندها ٢٠ سنة و تدفع كمان ٢٥ مليون بس ف انت ادارة ذكية جدا و اقولك شابوه علي التفكير
= نونو سانتو بيعرف يطور من الأجنحة كتير اوي ، أمثال " بودينس - نيتو - تراوري " ، اعتقد ده المدرب المناسب حاليا لموهبة كبيرة زي " بريان " ، هيكبر اوي مع نونو سانتو و هيتطور كتير و توتنهام بيفكر انه يكبر و يبيع بسعر خيالي لفريق زي السيتي و تشيلسي و ساعتها يكون هو الكسبان ..
= بريان أسلوب لعبه سريع جدا و ده اللي هيخليه ينجح في البريميرليج اسرع رتم دوري في العالم ، كمان نونو سانتو سرعة كراته دايما طرفية وده مؤشر كويس اوي ل بريان ، سانتو لو عرف يطور بريان كجناح يمين اكتر هنشوف رعب من توتنهام علي الزوايا الطرفية " دوهيرتي - بريان " + " سون - ريجيلون " الموسم المقبل ..
= اعتقد الموسم الجاي بدل ما نشوف " جن جنون الكوري " فقط ، هنشوف برضه " جن جنون الاسباني "
