منتخب مصر لكرة اليد في العقد الأخير دخل زون العمالقة
كتب - خالد عصام
منتخب مصر لكرة اليد في العقد الأخير دخل زون العمالقة في اللعبة حديثاً ، بعد ما كنا بنواجه المنتخبات دي بنخسر بفارق 15 هدف وكان اخرنا بالكتير نكسب أفريقيا ، اصبح عندنا القدرة نناطح المستويات دي راس لراس ونكسبها كمان.
احنا كنا بنواجه بطل العالم اخر نسختين ، معاهم أفضل لاعب في العالم (( ميكيل هانسن )) ، معاهم افضل حارس في التاريخ (( مايكل لاندين )) زي ما شوفتوا قدراته الرهيبة وتصدياته الغير طبيعية بالمرة.
منتخب اليد حقيقي منتخب عظيم وحاجة تشرف ، كل لاعيبتنا حاجة تشرف ومفيش واحد فيهم يستاهل يتقاله كلمة واحدة سلبية ، ناس رجالة وعملت اللي عليها ، جيل عظيم وحجر اساس مستقبلي لمنتخب ان شاء الله نشوفه بيرفع كأس العالم في السنين الجاية.