سر النجاح
شعر هاني الحداد
سر النجاح في أي قصه أو حكايا
الثقه في الله خالقنا
والأكيد صدق النوايا
وإحنا بعون الله رجال
في الحق مش فى جور وشر وفي أي وضع وأي حال
رأينا واضح و حر
واللي مقوي قلبنا
سكتنا واحده كلنا
ومكملين مع بعضنا
بكل قوه وصبر مالوش نهايه
أيوه عارفين أد أيه
الأمر فيه صعوبات كتير
بس دا طبع الحياه
تحديات وحوار كبير
واللي فعلاً فيها شاطر
اللي بيدوس على المخاطر
واللي يخلق م الألم حلم وأمل
واللي مهما كان حجم التحدي لسه قادر
وإحنا بعون الله رجال
في الحق مش فى جور وشر
وفي أي وضع وأي حال
رأينا واضح و حر
واللي مقوي قلبنا
سكتنا واحده كلنا
ومكملين مع بعضنا
بكل قوه وصبر مالوش نهايه
سر النجاح في أي قصه أو حكايا
الثقه في الله خالقنا
والأكيد صدق النوايا
