إيد واحده
شعر غنائي هاني الحداد
كلنا إيد واحدة يامصريين
حتى اسأل جورج وعم حسين
ومارينا بنت الخال جرجس
وأمينه بنت الشيخ حسانين
طب اقولك اسأل عم بانوب
وسميح وملاك وأخوه ابانوب
وحبيبنا واخونا فرج سيدهم
وابونا يوحنا جميل أيوب
والست تريزا امي التانية
وبناتها ليزا و لاتانيا
وياهم عشت أنا واخواتي
إيمان وأمال ومني ودنيا
والبت بارسينا الحلوه
و روان حبيبتي أجمل غنوه
مستقبل مصر الحرية
رمز الوحدة و الوطنية
والواد نسيم صاحبي الانتيم
و أحمد ومينا وباقي التيم
شله صحاب غاليين غاليين
يجمعنا حب ل يوم الدين
وقال إيه يقولو في بينا فرق
وإحنا في وطنا دايبين عشق
و لا حد هيفرق بينا
رساله واضحة لكل الخلق