صاحب الموال
كلمات - هاني الحداد
ياقلبك الآسي
يارمشك القتال
إزاي كدا راسي
ولا شاغلك بال
وليه صحيح قادر
إنت أكيد نادر
تعبت إحساسي
ياصاحب الموال
رايق قوي في نفسك
وعارف سكتك
مين اللي هينافسك
والتقل صنعتك
ومين يقدر يجاريك
روح الله يجازيك
شغلت قلبي بيك
وعشقت دنيتك
في الحب ليك طابع
في الدنيا مالهوش زي
الكل فيك طامع
وإنت مقولتش أي
ولإمته يا قمري
يحتار معاك أمري
ياخوفي ياعمري
من بكره واللي جي