نيفين مندور تكشف تفاصيل القبض عليها و كواليس تصوير ها مع الفنان محمد سعد
كشفت الفنانة نيفين مندور، تفاصيل ابتعادها عن مجال التمثيل، طوال السنوات الماضية، بعدما حققت نجاحًا كبيراً بدورها الشهير فيحاء في فيلم «اللي بالي بالك» مع الفنان محمد سعد، الذي عرض في عام 2003.
وقالت «مندور» خلال لقائها ببرنامج «كلام الناس»، الذي يذاع على شاشة MBC مصر: «سبب ابتعادي عن الوسط الفني، إن والدتي كانت مريضة، وهي أولى بكل دقيقة من وقتي أكون معاها وأساعدها، كما أنني شعرت بخوف شديد بعد نجاح فيلم اللي بالي بالك، وكنت في حيرة بين الخوف والسعادة».
وأضافت: «لما قررت أرجع للتمثيل، بابا قالي لا بلاش، وبابا كان شديد مع الناس كلها، إلا أنا، وقالي دا رأي، فا محبتش أزعله».
و قالت الفنانة نيفين مندور، عن تفاصيل واقعة القبض عليها في شهر مارس 2013 بتهمة تعاطي المخدرات.
حيث قالت مندور، خلال حوارها "الموضوع ده بيضايقني.. الموضوع كان خاص بوالدي مش بيّا خالص، بس هما حبوا يكسروه بيّا، وأنا اللي روحت في الرجلين، وهو كان الله يرحمه ما بين نيران، بنته وسمعته وكمان سمعت بنته".
و وضحت ربنا كبير، والحمد لله أخدت براءة من أول دقيقة ومحدش قدر يشكك فيها، وفكرت كتير أوضح للناس لكن لقيت كل ردود الفعل معايا، 90% من الناس كانوا شايفني بصورتي الحقيقية، مش هصلح صورتي لشوية ناس مريضة، اللي عايز يصدقني يصدق واللي مش عايز عنه ما صدق، أنا اللي بيني وبين ربنا وأهلي هو اللي يفرق".