جوع المشاعر
بقلم : مرفت سليمان
متجوعش الناس اللي عايشه معاك
متحرمهمش من النعم الكتير اللي ربنا خلقها عشانهم وعشانك انت كمان
عارف من اول حد بتجوعه وهو عايش معاك شريك حياتك
ادامه الاكل وانت مجوعه حرمه من نعمة الاشباع
كل مرة بتحرمه وتمنع عنه عطفك وحنينك بيتعود علي الجوع
اول مرة بيتعب من الجوع ويطلب منك الحضن والحنيه
تاني مرة بيجوع بس مبيطلبش بيحس أنه تقيل اوي وبيفكر الف مرة قبل ما يحاول يوصلك أنه جعان
وحتي لما بتديلوا نصيبه فالاكل بيكون ناقص ملح ملوش طعم جاف من غير حب من غير مشاعر كأنه وجبه نأكلها وخلاص سد جوع يعني
المرة اللي بعدها بيفضل يعيش جعان ع أنه يحس بمرارة الأكل اللي ملوش طعم ولا فيه ذرة مشاعر
ومرة فمرة قلبه بيتعود على الجوع مشاعره بتسنا الحنيه والطبطبه
وهيجي عليك وقت حتي لو حطيت ادامه ملاذ الدنيا كلها هيرفضها لانه خلاص زهد وروحه تعبت من الحرمان
الاحق قلبك قبل ما يحتاج ويطلب وميلاقيش الا الجوع مستنيه
جوع المشاعر اصعب كتير من جوع البدن والمعده القلب لو جاع بينسي شكل وطعم الاكل ويكره اللي مجوعه ووصله اني يكره الدنيا كلها
شبع قلبك وخلي اللي بيحبك يشبع منك.