الوعود الزائفة
فرح الشعراوي
الرسول (صل الله عليه وسلم) قال"ايات المنافق ثلاث اذا حدث كذب و اذا وعد أخلف و اذا اؤتمن خان"، طيب تخيل عزيزي القارئ انك لو بتعمل كدة مع ابنك او بنتك؟؟،لو مثلا قولتله لو عملت كذا هجيبلك اللعبة اللي انت نفسك فيها و معملتش ،طبعا انت هتقول اي يعني بس في الحقيقة دي كارثة من الكوارث النفسية ،و تعالى اقولك اي هي ، اولا ابنك هيفقد الثقة فيك وحدة وحدة يعني حتى لو حبيت تحفزه هتلاقيه مبيصدقش كلامك او خليني اشبْهالك انه هيعتبر كلامك بلونة في السما هتتلاشى مع الوقت ،و ده هيسبب ان ابنك او بنتك هيمشوا في الحياه مشوشين ، فلما هيكبروا هيمروا بتجارب فيها الحلو و فيها الوحش ، فهيبقوا محتاجين لحد ثقة يحكولوا فتخيل انهم اصلا فاقدين الثقة في القدوة الاساسية فيلجأوا لغيرك ،و طبعا زود على الكلام ده كمية اليأس و فقدان الشغف وكومات الاكتئاب و الانعزال اللي ممكن تحصل ،كمان ده بيهز ثقتهم بنفسهم لانهم هيشوفو هل احنا للدرجادي منستحقش و انا عملت و هو شايفني مستهلش و طبعا ده بشكل لا ارادي هيتعمل معاك لان القدوة او جذر العيلة كدة و خصوصا لو ده بيحصل من و هم اطفال.
عزيزي القارئ سواء كنت اب او ام اولادكم امانة عندكم حافظوا عليهم و ما تفتكروش ان الصحة النفسية مش مهمة لا دي مهمة جدا و ممكن تؤدي لاشياء غير مرغوب فيها ،زي الامراض النفسية اللي ذكرنها فوق و الامراض النفسية بنسبة كبيرة بتؤدي الى الانتحار ، صاحب ابنك او بنتك و خليك مصدر ثقة ليهم.