في ذكرى حرب أكتوبر
بقلم : شادي المعداوي
لكل شهيد
في يوم النصر
استشهادك كان عيد
وقت العبور
وقبل العصر
كل جندي قطع أجازته
وجهز شنطته وحيازته
ونده بأعلى صوته
قومي ياما لبسيني البيادة
انا طاير على وحدتي
وكلي سعادة
لو مرجعتش ياما
ونولت الشهادة
زغردي ياما دا يوم النصر
يوم العزة والكرامة
يوم النجاة والسلامة
إفرحي ياما ومتعيطيش
وإمسحي دموعك ومتبكيش
إبنك ياما في الجنة عريس
إندهي ياما بأعلى صوتك
وإفرحي ومتزعليش
دا أبنك شهيد في يوم النصر
نموت نموت
وتعيشي يا مصر
بس ياما إوعي تنسيني
وبدعاكي أبقي إفتكريني
أبنك حبيبك
شهيد النصر