يا زمن الطيبين
محافظة الدقهلية
بقلم : شادي المعداوي
إرجع يا زمن الطيبين
كان الحب على المشاع
ولا حد قدر يفرق حبيبين
كانت الحياة سهلة وجميلة
كانت الهدوم قديمة
و القلوب كانت سليمة
كان الإنسان له هيبة وقيمة
إتكسرت القلوب السليمة
وضاعت الهيبة والقيمة
مفضلش غير الهدوم القديمة
إرجع يا زمن الطيبين
كانوا على بعض خايفين
مكنش فيه حد بينهم بوشين
عمر السر مطلع من بين أتنين
كانت قلوبهم من ذهب
وبيوتهم كانت من طين
كانوا لبعض قريبين
لقمة العيش كان
يدوق منها جار وأتنين
كان بينهم طبق بيلف
على عيلة وعلتين
فينك يا زمن الطيبين