ازمة الثقة Trust issues
بقلم : فرح الشعراوي
لا يوجد أحد ما مرش بعلاقة سواء كانت صداقة او علاقة عاطفية الا لو شاهد موقف بين الحقيقة اللي كانت مستخبية كتير من الناس بتمثل ادوار و بتلبس اقنعة وبتتكشف حقيقتها بعدين بعد ما نتعشم
و نمر باوقات حلوة و نكون ذكريات جميلة ولما يجي موقف نتفاجئ الوشوش الحقيقية وطبعا بيطلع على هيئة انعزال وانعدام رغبة في الكلام.
من فترة وجيزة
كدة اتصادفت مع صديقة ليا كانت مسافرة وقعدنا مع بعض بس هي مش اللي كنت اعرفها زمان كانت ضحك وهزار والابتسامة الجميلة اللي كانت مرسومة على وشها هي حرفيا وشها شاحب والكلام بسيط في وسط الكلام سالتها كان في شلة بتعد معاها دايما لا يقل عن ٦ مثلا راحوا فين؟؟
قالتلي اتقسموا علشان عرفت حاجات كتيرة كل حد فيهم كان مغفلني عرفت ان احنا بنقعد قاعدة مع بعض حلوة و لما نقوم بتبتدي الحقايق تتكشف كل حد بيكلم على التاني في ضهروا و انا كنت اولهم لما واجهت اتصدمت بان كل ده حقد و غل وكملت وقالت تخيلي اني كنت اول واحدة بكون موجودة لما حد فيهم يحتاجني ولما احتجتهم في حاجة كانوا بيتهربو لما وقعت وروحت المستشفى محدش فيهم فكر حتى يقولي انت محتاجة حاجة فواجهتهم و لما واحد قلب الطرابيزة عليهم كل واحد دافع عن نفسي وقال كانوا بيقولو عليا اي في ضهري روحت بيتي في حالة ذهول من اللي اتقال و بعدين حسيت اني مش قادرة اشوف الشارع حتى كرهت اني اطلع برة باب اوضتي فضلت على الحال دخلت شهر حتى مفيش حد فكر يكلمني .
سكتت بعدها و خدت نفس عميق و قالتلي انا بقيت اخاف اني اعرف ناس جديدة
و يتكرر الموضوع تاني فحسيت اني و انا لوحدي احسن.
هي دي ازمة الثقة بتيجي لما اقنعة الحب والوفاء والاخلاص تتشال لما الحقايق تتفرد على الطرابيزة وبنتفاجئ بعدها و بندفع التمن غالي تمن نفسنا ومش بنرجع زي الاول بنثق ونتكلم لا احنا بنكون خايفين من كل حاجة خلو بالكم من الناس كلهم بيمثلوا على المسرح ببراعة وفجأة المشهد هيخلص خليك انت المتفرج و ثق انك انت اللي تقدر تحكم اذا كان دا مشهد ولا حقيقة ولو مشهد هتقدر تنسحب بكل هدوء من غير ما تتعب وصدقني كله خير ليك ثق في ربنا هيعوضك بالاحسن وهترجع حياتك احسن هتقتصر على اهلك واتنين تلاتة وكل ما قللت دايرة الناس اللي بتثق فيهم كل ما هترتاح اكتر.