أحمد ثابت يتغنى بمهارات التاو
محمد أبو سيف
أحمد ثابت الإعلامي بقناة النادي الأهلي يتغنى بمهارات اللاعب الجنوب أفريقي بيرسي تاو حيث قال على صفحته الشخصية
بيرسي تاو في الهدف التاني هوش "موه" المدافع توجاي ٣ مرات لدرجه انه زهق و سابه .
لاعب كبير و أكتر واحد في الخط الأمامي للأهلي تقيل علي كورته و بيعرف يقف علي الكورة و بيجيد الاستلام تحت ضغط و الاحتفاظ بالكورة و ينقلك من الحالة الدفاعية للهجومية ، و ممتاز في التحولات و المرتدات.
كولر يحسب له انه رجعه لمركز الجناح الأيسر مع إن موسيماني مثلًا كان بيلاعبه علطول مهاجم وهمي ، كولر شاف ان تاو اكتر واحد هينفعه في التحولات و بسبب تألق تاو كمان نقل مركز حسين الشحات من الجناح اليمين للجناح الأيسر.
اللي يشوف هدفين تاو اليوم هيتذكر هدفه في القطن الكاميروني و هدفه في صن داونز كلهم من تحولات و اعتماد كولر عليه في المكان ده عشان النقطة ده.
يحسب لتاو انه اصبح اكثر لاعب مساهم في اهداف (بالتسجيل و الصناعه) في دوري ابطال افريقيا في كل الفرق ب ٨ اهداف و السنه اللي فاتت برده كان متصدر القائمة ب ٨ اهداف.