جنحة الضرب في القانون المصري

 متخافش من الاستسلام

كتبت - شيرين كمال 

ضحكوا علينا لما قالولنا خليكم جامدين ومتستلموش ،طيب وايه يعني لو تعبنا واستسلمنا .

الاستسلام

ويسعدني اقولك انك احيانا محتاج تستسلم ، اه والله عادي مش كل حاجة معافرة وصدام ومحاولات مستميتة قدام شيء محكوم عليه بالفشل أو شيء فوق طاقتك لدرجة العجز.

المعافرة في شيء زي ده بتضعف الروح والبدن وبتضيع الوقت والعمر ونتايجها بتكون قاسية على القلب وبتولد أفكار سلبية كفيلة تهلكك وتحدث شروخ في علاقاتك .

شرف المحاولة

من أمتى بنتشرف بمحاولة القفذ من الدور العاشر. علشان ننزل واقفين على رجلينا! معلش سامحني ده اسمه غباء المحاولة!

الأمل

الأمل شيء جميل بس ساعات بنكون محتاجين نحدد له وقت لأن الانتظار على اد ما بيكون معتمد على الامل فهو للاسف ساعات بيكون دخل في حالة من التذلل والتصغير. 

تقبلك النفسي للاستسلام افضل بكتير من انسياقك لعبارات وهمية خاوية

 (never give up)

لا عادي استسلم وعيد ترتيب اوراقك وعيد اقامة بناءك النفسي وحاول في خط تاني لآن الحياة عمرها ما كانت خط واحد وعمرها ما كانت بتقف على حد. 

مش مبرر ابدًا انك تفضل مكمل في قطار ماشي في الاتجاه الغلط عشان بس متستسلمش .

مش عيب تقول انك كنت غلط ولا عيب تقول انك محتاج تفارق أو تواجه أو تنسحب لكن العيب هو عنادك اللي عاوز تثبت من خلاله أن دماغك أقوى من الجدار فينتهي الامر بدماغ مقسومة نصين والجدار لم يتحرك بل لم يحن عليك. 

والمضحك المبكي أن نفس الناس اللي كانت بتقول لك عافر هم نفس الناس اللي هتلومك وتقول لك ليه عملت في نفسك كل ده؟

عادي يا حبيبي (give up) وانزل من القطار وتوجه للمحطة واحجز تذكرة لقطار في الإتجاه الصح .