"جوايا مات"
بقلم الشاعر / طاهر فتحي
جايه النهارده
تسألي
عن حبى ليكِ
عن نبضي ليه
مش سامعه منه
غير سكات
عن عشقي ليكِ
بعد عمري
ما إنقضى
في دمع وأهات
بتقولي ليه
مش لاقيه دائما
غير سواد
طب عايزه إيه
وعشقى ليكِ
في لحظة صار
حبة رماد
بعد إيه
جايه تسألي
وتدوري
على حب فات
حب إندبح
بإيدكِ أنتِ
مفضلش منه
غير شوية ذكريات
كنت بحلم
بيكِ مرة
تمحي من قلبي العذاب
كل لحظة بسألك
ألف مرة
بس مش لاقي جواب
كنت بصبر
وأقول لنفسي
اللي جاي
يمحي اللي فات
بكره يجي
برضه أحلى
من غير دموع
من غير عتاب
صدقيني
للأسف
جوايا مات .