برواز مشروخ
بقلم : فرح الشعراوي
كلمتين معناهم كبير جدًا تحتهم مليون خط و مليون حكاية و مليون قصة مؤلمة.
تعالو اعرفكم بأسرار بنت جميلة اتربت في عائلة سامة ، ام انانية و اب نرجسي
و عنيف ، عاشت طفولة مؤلمة مضمونها قلة امان و قلة احتواء و ضرب و تهميش
و انعدام مسؤولية و كبرت و بقت بنت عشرينية و بشكل لا ارادي اسرار بدأت تدور على عنصرين مهم فقدتهم من وهي صغيرة (الامان و الاحتواء) و ارتطمت في ناس سامة كتير و علاقات مؤذية عاطفية و اجتماعية ، و ده ادى لانها تخش في حالة اكتئاب و عزل و قلة ثقة في نفسها
و كره شديد للعائلة.
وعلى لسان والدتها انها كان بقالها ٣ ايام مخرجتش من غرفتها ومبتتكلمش
وحالتها بتسوء كل يوم فقررو يعرضوها على معالج نفسي و رحلة علاجها استغرقت 3 سنين و الحمدلله اسرار تعافت من سم العلاقات و الناس المؤذية واتعلمت ازاي تنمي الثقة و الحب و الاهتمام
و تديهم لنفسها هي و اتعلمت مهارات جديدة.
و نمتها و قالت انها لسة فاكرة كل حاجة حصلت من اهلها و لكن قررت تسامح علشان تقدر تكمل حياتها بسلام نفسي.
قصة اسرار مشتبها مع معظمنا و ان معظم المواقف اللي حصلت من و احنا صغيرين بتسيب اثر كبير جوانا ، ولا اراديا بتأثر عليهم في الكبر زي قلة الامان و الاحتواء و بينتج عن الاهمال ، و التهميش و الاهانة بينتج عنها قلة الثقة بالنفس و لو بنينا الطفل بكل ده هينتج عنه تحطيم وتدمير داخلي .
و لكل ام و اب حافظو على صحة ولادكم النفسية ، ادوهم اكبر قدر من الامان
و الاحتواء و الحب و الدعم و الثقة علشان ما يبحثوا عنهم في وسط الغابة اللي برة علشان زي ما هما هيتحاسبوا عليكم انتم كمان هتتحاسبوا عليهم .