معلومات هامة للحافظ على المواد الغذائية
تقديم : الشيف عوض عبده الكومي
- وضع نقطة زيت على وش برطمان الصلصة عمرها ما تعمل عفن.
- عصير الجوافة أو الموز عليه نص ليمونة لا يجعله يسود.
- عند تخزن الفراخ نقطع معاها شرايح ليمون ونحطها بعد ما تتصفي كويس في كيس التخزين.
- مانفتحش على الفول كتيرًا أثناء التدميس لآن الهواء هو الذي يجعل القشرة بتاعته تسود وياريت يتم التسوية في إناء فتحته ضيقة زي الدماسة عشان نقلل مساحة احتكاك سطحه بالهواء.
- وضع شوية خل في مياه غسيل المواعين بتفرق كتير بتمنع التصاق الصابون وبتنضف وتطهر وتلمع المواعين.
- فصين توم على البسلة بتغير الطعم تماما للاحلي.
- للاحتفاظ بالخضره وقت أكتر نصع معلقة أو شوكة معاها فى كيس التخزين ونقفل الكيس كويس بعد تفريغة منه الهوا.
- لحفظ الليمون نلف كل ليمونه في ورق فويل أو ورق جرائد ونحطهم في علبة كده بيعيش مدة أطول.
- بعد ما نتبل البانيه نضعه في البقسماط ونضعه في الفريزر لمدة نص ساعة هيتماسك معانا ومش هيفك أبدا واحنا بنحمره.
- لو عندك كاتيل استانلس اغلي فيه مياه وملح ليمون حينضف ويبقي بيلمع.
- اللحمه مش بيتحطلها ملح الا في آخر نص ساعة مع قليل من السكر مع وضع معلقة ونص معلقة صغيرة بيكربونات
لو اللحمه كبيرة بيساعد على التسوية بسرعة.
- مانحطش زيت واحنا بنسلق مكرونة هنستخدمها فب بشاميل أو وايت صوص عشان بيزحلق الكريمة من على المكرونة وبتبقى كأنها مسلوقة.
- البصل الأبيض للطبخ والأحمر للسلطات والساندوتشات.
- نشوح الفراخ بملح وفلفل قبل ما نضيف مياه الشوربة بتفرق جدًا في الطعم.
- معلقة صغيرة خل مع شوربة الرز بتخليه يطلع أبيض زاهي ومفلفل وشكله جميل.
- نضيف على عصير الليمون ربع كوبايه لبن بيبقي تحفه.
- الطماطم بعد ما تتعمل بالخلاط بتتصفي من القشر والتفل عشان مايبقاش فيها طعم مرار.
- للتخلص من أى دهون على البوتجاز كربونات وملح ليمون وخل بتشيل أى دهون.
- لو مش عاوزين الكفتة تكش مننا نضيف معلقه بقسماط ونص معلقه بيكنج بودر عليها.
بالهناء والشفاء مع أرق تحياتي.