"حكاية وطن " الرئيس السيسي قبل الإنتخابات الرئاسية " أوعى يكون حلمك لقمة "
محمد أبو سيف
قام فخامة الرئيس عبد الفتاح السيسي رئيس جمهورية مصر العربية بافتتاح مؤتمر حكاية وطن اليوم وخلال ألقاءه لكلمة الافتتاح والتي جاءت من خلالها عدة تصريحات أبرزها ..
إن الدولة المصرية واجهت العديد من التحديات منذ عام 2011 حتى الآن، مضيفا: “لازم تعرفوا يعني إيه دولة وكانت بتواجه تحديدات كبيرة، التحديات دي كانت كفيلة إنها تنهي دول زي ما أنهت دول لغاية دلوقتي موقفتش على حالها”.
وأردف الرئيس السيسي أثناء دخوله لقاعة احتفالية حكاية وطن المنعقد بالعاصمة الإدارية الجديدة: “أنا بكرر الكلام ده كتير، والناس بتقولي بتكرر الكلام كتير ليه، بكرره للتذكرة، عشان قدام ربنا أقوله قولت وبدل المرة 100 مرة، البلاد مبتعيش وتكبر وتنمو كده، تكبر بأمل وإخلاص وأمانة وتضحية، مش بالكلام”.
السيسي : نجوع ونتحرم حتى نتقدم
"مفيش حاجة بتروح عند ربنا..كل كلمة كذب وكل إساءة لها أجر عند الله عز وجل..وفي يوم هنقف أمام الله عز وجل وهنتحاسب".
وأضاف "السيسي" خلال كلمته بـ مؤتمر حكاية وطن، أن الأمر كله لله عز وجل..وماحدش هياخد غير نصيبه، ولكن على الفرد أن يقاتل من أجل بلده وليس من أجل الحصول على نصيبه..فهو بيد الله عز وجل".
وأكمل:" الناس استكترت أننا نعمل طريق وكبري..أسمعوا لو كان البناء والتنمية ثمنهم الجوع والحرمان.. اوعوا يا مصريين تقولوا ناكل أحسن..والله العظيم لو كان ثمن التقدم والإذدهار أننا مناكلش وما نشربش..مناكلش ومانشربش".
الرئيس السيسي :" اوعي يكون حلمك لقمة " .
"كلمة واحدة عاوز أقولها للناس.. ده اللى إحنا عملناه وعندكم فرصة في الانتخابات الرئاسية اللى جاية.. عندكم فرصة للتغيير.. حد يقول كده.. اه بقول كده.. الأمر كله لله.. اللي ليه حاجة ياخدها"..