لك سيدتي مطبخك صحة أسرتك
إعداد _ ميران السبخي
شوية حاجات بسيطة نأخد بالنا منها
1-نظافة وتطهير سلة القمامة
القمامة ما ينفعش تبقى عندك بالثلاث واﻷربع أيام ، بتطلعيها بره شقتك
أو بترميها بنفسك لما تطلع ريحتها القمامة
لو مش كل يوم علي اﻷقل كل يومين خاصه مع وجود الحفاضات و فوط صحية
و أنت بترمي الحفاضه لطفا منك حطيها فب كيس اﻷول ﻷن عامل النظافة ده بشر و بيقرف أكيد ومش هيتبسط لما حاجة تلطخ ايده .
2-بعد ما ترمي الكيس حطي شويه ديتول او كلور او حتى جاز في السلة علشان الريحة متثبتش فيه و هوى السلة قبل الكيس الجديد .
3-المطبخ النظيف تحت الحوض فيه دواسة علشان نقط الميه اللي بتنزل منك
و أنت بتغسلي مواعين متبقعش اﻷرض.
4-المطبخ النظيف فيه حتت و مساكات كثير من بواقي هدومك القديمة علشان متمسكيش ادوات المطبخ بهدوم من الغسالة او بهدومك.
اﻷفضل ان كل اسبوع تلمي كل الحتت
و المساكات و تحطيهم فى شوية ميه
و خل و صابون سائل.
5-المطبخ النظيف فيه فوطة بجوار الحوض ان شاالله حته من فوطة قديمة عندك علشان لما تخلصي مواعين تنشفي ايدك بلاش لو سمحتى تنشفى ايدك في هدومك .
ولو هتجرى من المطبخ للتليفون او ﻷبنك تكون ايدك ناشفه مش عليها صابون مفيش اكتر من بواقي الهدوم القديمة عندنا .
5-المطبخ النظيف ليس به حوالين الحوض الوان أخضر و أزرق و أسود بعد ما تخلصي مواعين حبيبتي اغسلي حوالين الحوض و تحت المصفاه وتحت طبق الصابون.
6-المطبخ النظيف الخلاط واﻷجهزه اللب فيه مش عليها طرطشه الطماطم والعصاير ومبقعه وملزقه لا ، لازم ادواتك بعد ما تستخدميها زى الخلاط والكبه تمسحيهم بقماشة و ديتول هيبقى زى الفل وما تتأسفي لو حبيب او غريب او منتقد دخل مطبخك و انت اﻷهم طبعا ده ليك انت مش للناس .
7-المطبخ النظيف ادإضاءته مناسبة علشان تلمحي انه محتاج نظافة على طول وكمان علشان نظرك كمان والله ﻷن لو اﻷضاءه ضعيفة هتتراكم اﻷوساخ وهتتفاجي من كميه الزيوت و الدهون علي الحيطة و البوتاجاز .
8- المطبخ النظيف ثلاجته ملهاش ريحه ﻷن حته الفحم مبتخرجش منه .
9- المطبخ النظيف ادراجه مترتبه
و مفروشه و كل درج حاجته فيه .
10-المطبخ النظيف هو المطبخ اللى بتأخدي منه حسنات وأجر إطعام زوجك واولادك و نظافته شكر لنعمة ربنا عليك.
11-شوية تجديد في المطبخ كده يفتح نفسك وتحسي بالتغيير والتجديد تقفي تعملي الاكل بنفس.