الجائزة الكبرى
كتب - محمود فوزي
مصر
الهدف الاستراتيجي
للمجلس العالمي للادارة الشر حيث يتم صناعة و تجهيز الكائن اللامنتمي و منه تم تكليف تنظيم الإجرام العالمي ومشتقاته.
ولهم كل الدعم التمويلي والمخابراتي والاعلامي والسياسي والايواء لضرب وتقسيم البلاد.
في حقيقة الامر وواقع ومستقبل و قراءة الأحداث لازم كلنا نفهم ماشى ازاى و رايح على فين و تعرف عدوك بيفكر ازاى .
أولا
عدوك فاهم و عارف كويس اوى أن الرئيس السيسى هو رجل مصر للمرحلة القادمة و عارف كمان أكتر منى ومنك انه نتيجه الانتخابات الرئاسية القادمة في صالح السيسي.
وهنا السؤال اللى بيدور فى دماغك
طب لما هو عارف كدا ايه اللى يخليهم يدعموا واحد زى احمد طنطاوى و يصرفوا المصاريف دى كلها على مفيش .
هنا هجاوبك و أقولك بص لقدام
و متبصش تحت رجليك بالمنطق والعقل كدا.
حصول واحد زى أحمد طنطاوى الفاشل على لقب مرشح رئاسى سابق ده فى حد ذاته إنجاز قوى جدا
ولازم تعرف انه عدوك بيخطط لما بعد السيسي
أما الوضع الراهن فهو زى ماقولتلك بالظبط يعلمون جيدا أن السيسى هو الرئيس القادم..
نقطة و من أول السطر
لانه ببساطه شديده جدا لو نظرأ للوضع الراهن هيبقى ازاى بعد مدة أو مدتين رئاسيتين قادمتين..
يعنى حوالى 12 سنه من دلوقتى
1_ إبنك و بنتك اللى عندهم عشرة إتناشر سنه دلوقتى هيكونوا وقتها عندهم أكثر من 21 سنه و يستحقوا المشاركة فى الانتخابات.
وهتكون كل معرفتهم بأحمد طنطاوى مجرد عناوين رنانة
الا و هى إنه كان مناضل ومعارض قوى
و عضو مجلس شعب سابق
و مرشح رئاسى سابق ولولا السيسب لأصبح هو رئيسا لمصر
و طبعا هيتم تلميعه قبلها بفترة و زرع مصطلحات فى عقول الشباب لخدمة غرضهم ده وخاصة مصطلح انه خسر بفرق عدد أصوات بسيط ماهو محدش هيراجع وراهم.
2_ خلال فترة ال 12 سنه اللى جايين هيكون أغلب الداعمين لمصر و اللى شافوا و حضروا عن قرب أحداث 2011 مرورا
بالاخوان مرورا ب 6/30 واللى حضروا حروب و ثورات سواء شاركوا فيها أو كانوا لسه صغيرين بس واعين للى بيحصل
مش هيكونوا موجودين
وربنا يبارك فى اعماركم جميعا يارب
أنا متأكد كويس جدا انه اللي فات مش هيرجع و مصر ثابته ان شاء الله و مكانها محفوظ فى العالم الجديد .
وكل شئ معمول حسابة لعشرات السنين قدام لأن هناك صقور مصرية تعمل ليل نهار من أجل مصر وشعبها
لكن كل اللى عايز اقوله ليك و للجميع
هو انك تساهم مع من يحفظون أمن
و أمان مصر بإنك تحاول تزرع شوية وطنية ف عقل طفلك أو حفيدك و تفهمه وطبعا على قد سنه و استقباله للكلام يعنى أيه مصر يعني وطن يعني ارض وعرض وانه لما يكبر يكون حريص عليهم
لانه رئيس يدعمه شعبه و ف ضهره أفضل كتير من مجرد رئيس موظف بيدير دولة
و أديكم شفتم الشعب بيعمل أيه
بأمر الشعب رئيس تخلى عن الحكم
بأمر الشعب تم طرد الإخوان من الحكم
بأمر الشعب بيتم بناء دولة حقيقية قواية راسخة
و أهو جيل يسلم جيل
حفظ الله مصر واهلها.