جنحة الضرب في القانون المصري

 رصيد الذكريات مات

كتبت - شيرين كمال

لما يكون في حياتك إنسان بتحبه ويبدأ يؤذيك ومع كل مرة بتتوجع منه وتبعد عنه خطوة، ورصيد محبته في قلبك يقلّ .

ولأنك متعود متبعدش من أول ولا تاني غلطة وبتفضل تحاول تصون اللي بينكم بكل شكل، أصل الحب غلّاب بردو.

بس تلاقي روحك كل يوم بتبعد نفسيًا عنه خطوة، وفي نص الطريق تحس إنك لا قادر تحبه زي الأول، ولا قادر تبعد، مش قادر تحس بنفس الأُلفة والأمان بتوع البداية، ولا أنت لسه وصلت لمرحلة إنك تمشي بضمير مستريح، ورصيد الذكريات المشتركة اللي بينكم يضغط على أعصابك أكتر وأكتر؛ بين التعلُّق والنفور ١٠٠ إحساس مختلف، لا هما حب ولا كُره، مرحلة رمادية بتخرج منها وأنت أقوى، بس مُجهَد ومستهلَك.