جنحة الضرب في القانون المصري

 أولادنا مش ملكنا !!

 أولادنا مش ملكنا!!

  بقلم : شيرين كمال 

أولادنا مش ملكنا ، دول أمانة ربنا استخلفنا فيها ، هنحاسب عليها ، احنا مؤتمنين على تربيتهم وتوجهم ورعايتهم .

ليه بأكد على كده؟

عشان الناس بتغفل عن المعلومة دي وعن إننا في رحلتنا مع التربية ربنا هيحاسبنا على السعي وليس النتيجة.

ربنا يهدي أولادنا جميعًا ويجعلهم من عباده الصالحين، بس ربنا قال :

 "إنك لا تهدي من احببت ولكن الله يهدي من يشاء"

وقال :

 "ادع إلى سبيل ربك بالحكمة والموعظة الحسنة وجادلهم بالتي هي أحسن إن ربك هو أعلم بمن ضل عن سبيله وهو أعلم بالمهتدين"

الناس بتشوف اولادهم ملكهم، مشروعهم اللي لازم ينجح ، خايفين من سوء تصرفهم أو فشلهم وغالبا ده بيكون بدافع الحب

 بس بالدافع ده بنبرر لنفسنا كأهل تصرفات كتير مؤذية جدا جدا وهنحاسب عليها هنتحاسب على الأذى الجسدي والنفسي هنتحاسب على الزعيق والإهانة.

ربنا يجعل أولادنا جميعًا ممن يحبهم ويرضى عنهم بس مهم اوي اوي نعرف أننا

هنتحاسب عن أخذنا بالأسباب عن سعينا في تربيتهم عن أسلوبنا معاهم.

لكن الطفل كشخص ربنا كاتب له انه يبقى فاسد أو صالح ، دي مش مسؤلية الأهل ومش هيتحاسبوا عليها وعمرها ما هتبقى مبرر للأذية.