الخسارة
بقلم : شيرين كمال
مع الوقت مفهومنا عن الألم والخسارة بيتغير، لما الحياة تحطنا في مواقف تعرفنا إيه هي الخسارة اللي بجد .
أوقات لما تكون الخسارة مادية بتكون أهون كتير منها لو نفسية أو معنوية.
طيب إيه رأيك لما تخسر ناس مؤذية في حياتك وتكسب نفسك ؟
بذمتك مش ده مكسب يستحق المجازفة
المكسب الحقيقي هو الاستحقاق ،إنك تعرف قيمه نفسك وتقدرها وما تخرج بيها من دائرة الامان.
علشان وقتها متضطرش تدخل في علاقة مؤذية وتبتدي تسوء من نفسك علشان تحسسها أنها لايقة علي العلاقه دي.
متدوروش على الحنان والآمان في قلوب جعانة ، طبطب على نفسك وقلبك بأيديك
شجع نفسك وحبها .
وما تثق في حد الا لو كان أهل للثقة
حبوا نفسكم وقدروها ومتعملوش زي الجعان اللي بياكل أي شيء.
اوعوا ماتلقوا اللي تحبوه ، فتحبوا اللي تلاقوه .