سمير محمد مهاجم الأهلي موهبة رياضية تحتاجها الملاعب المصرية
أحمد عبد النبي
سمير محمد مهاجم الأهلي من مواليد ٢٠٠٣ حصل علي رقم (٣٢) في الموسم الجديد
وهو المهاجم الثالث في قائمة الأهلي مع وسام أبو علي و محمود كهربا.
هداف بطولة الجمهورية للناشئين ، تقريبا كل سنة هو الهداف ، يقال عليه مهاجم بمعني كلمة مهاجم .
سمير مواليد ٢١ سنة وبيسجل بكل الوضعيات شويط ، مميز بالرأس طوله ١٨٧ يعني طوله فوق الممتاز .
بيحجز عـلى الكرة و صعب تتاخد منه اصلا ، فاز بلقب الهداف مع طنطا فريقه الأول
٣ مرات متتالية - فاز بلقب الهداف مع الاهلي موسم ٢٣ / ٢٤
يعني واضح اننا قدام لاعب موهوب
و حافظ مهام مركزه كويس جدا ، هداف بالفطرة و ده اللي احنا محتاجينه .
سمير محمد حصل علي هداف دوري الجمهورية مواليد ٢٠٠٣ برصيد ١٧ هدف الموسم الاخير .
مهاجم هداف مميز في التحركات داخل الصندوق ، بيعرف يسرق المدافعين بصورة مميزه بتحركاته بدون كورة في ظهر المدافعين و في الجانب الأعمى للمدافعين و عنده ميزه التوقع و المتابعة علي الكورة بيكمل كويس جدًا داخل المنطقة ، و قوي في الالتحامات الهوائية و بيلعب برأسه كويس جدًا .