حكمة ومعنى وراء كل دردشة
د . غادة سند
صحة نفسية و إرشاد أسري
تدق ساعات أول يوم بالعام الدراسي الجديد ، وسط فرحة البدايات وقلق التغييرات وزحمة التوقعات والتنبؤات التي تتكدس وتتصارع فى عقول الطلاب وأولياء الأمور
والجميع يتسائلون ماذا سيكون؟
وهل للأفضل سائرون أم مزيد من التعسر والضغوط؟
فالبعض متفائل بالجديد والآخرين يفترضون الكوارث وتخرب أفكارهم العقول، ووسط هذا وذاك يتلقون الأبناء الأحاديث ويختلط مايسمعون بالمخزون بعقولهم من خبرات سابقه سارة أو كدره
أو خوف وقلق مدفون.
وهنا تبدأ قصتنا
دقت الأجراس الأولى ليسير الطلاب نحو الفناء فيجتمعون لإنتظار تنظيم الصفوف اتجه (محمد) نحو اصدقاءه ليهنئهم على العام الجديد ،قائلا :
كل سنة وانتم طيبين واخيرا بقينا في الثانوية العامة ،معقوله يا جماعة انا مش مصدق .
رد (صابر) فعلا عدت الأيام بسرعة بس أحسن كام شهر ونطير ونقولها سلام مش راجعين،علق صديقهم (مهاب) بس يا جماعة بعد كل ده حد عارف هندخل ايه وهنجيب كام ونطلع ايه.
رد محمد ،ياسيدى نخلص بس ويحلها ربنا نجيب مجموع كبير وبعدين نشوف
علق صابر : انا عارف انا هدخل أى حاجة خاصه مش فارقه
رد ايمن : انا نفسى ادخل بيزنس بس هما عايزين هندسة محتار ارضي مين
علق وليد : ياعم هو انت شايف حد بيشتغل بشهادته ، اى شهادة وبعدين ابقى شوف بتحب ايه ولا هتلاقى نفسك فين.
رد صابر : ماتقعدش تهري ،بتحب ايه وعاوز ايه وهدفك ايه وانت هتلاقي نفسك كده هدف والديك ولا ماشي وراء المهنة اللي تديك الفلوس.
محمد : ياجماعة هى محفوظة ذاكر وانجح وهات مجموع ارضى اهلك وخد شهادة واعمل اللي انت عايزه يامعلم.
بعدين ،هيقولوا كده حافظين مش فاهمين قولهم خليكوا واقعيين . وبين كلمات س.ص ،م ، يكمن المعنى وتدق أجراس الخطر والوعى .
بمشكلة فقدان الهدف لدى المراهقين فكثير منهم لا يعرفون ماذا يريدون حقا وما أهدافهم ومايريدون تحقيقه فى المستقبل وما البصمه التى يريدون أن يتركوها فى حياتهم ، وكثيرا تحركهم أقوال الآخرين والمعتاد والشائع ،وليس الخاص بقدراتهم ،و كثيرا منهم يحصر مهارة التخيل فيما يمليه عليهم أراء وخبرات الآخرين سواء من المحيطين
أو من النماذج المعروضه بوسائل التواصل فيدق جرس الإنذار للإرشاد لفهم الذات
و تدريب ابناءنا على الوعى بقدرتهم والتمييز بين الأمنيه والهدف وشروطه وكيفية تحقيقه ومزج التخيل بالواقع لكي يعرف ويعي كيف يحقق هدفه في ظل واقعه المعاش .
فتحديد الهدف هو البوصلة التي تحدد طريقهم للنجاح المقترن بالسعادة .