قصيدة - قمر ١٤
شعر - محمود فتحي
متكلمنيش عن قمر ١٤
لأني عارفه
ضحكة وفرحة وحزنه
ما أنا أصلا معاشره
همسه وحسه ولمسه
ما كنت عايشه
وقلبي الممسي زاده وملحه
وقلبك الرحال محتال
غُربة مواجعهُ
كل هوايا اللي جواك حاسه
حتى قصاقيصك الورق
في الأصل آخر فصل
ماسكة مفاصلهُ
في كل شخبطات عشقه
حتى حلمي البطئ
نمل ماشي على بطنهُ
بالرغم ...
تلاقيني بحاول أسابقهُ
لما ورق الشحر يعشق
فيعكس مواجعهُ
يبقى على الوشوش ملامحه
كل مطر سفر حاضن مغاربه وكل حلم باصص على قمر ١٤
شايفه وحاسه
وكل ناي غنا لشجر الليمون
غناوي الوعد سعده
و كل لقاء فصول البرتقال
دبلان على أرضه
وكل حكاوي شهرزاد
بتحبه و تواعده
وتسمع للحكاوي نغم
وتر قمر ١٤ مطربات قلبه
طبطبات ...
ومين أكتر مني حسه
ولمسه ...
وعشقه ...
مين أكتر مني حبه .