جنحة الضرب في القانون المصري

تصريحات سمير عثمان تثير الجدل حول ما يحدث في لجنة التحكيم 

محمد أبو سيف 

أولا نقوم باستعراض تصريحات الكابتن سمير عثمان التي أثارت ضجة إعلامية ونقوم بتحليل الردود 

صرح الحكم الدولي سمير محمود عثمان قائلاً 

انا مش هتكلم فني، احنا عندنا مشكلة أكبر، إزاي الموضوع ده وصل للإعلام وخرج بره لجنة الحكام؟!

 أنا بطلب من إبراهيم نور الدين، إن الحكم إللي سرب ما دار في كواليس غرفة الڤار يتشطب، لأنه حكم غير أمين، لأنه سرب معلومات قبل أن تعرض على لجنة الحكام.

الموسم أكيد هيكون فيه أخطاء، إنما الأمانة المطلوبة من الحكم افتقدها، موضوع كبير، ده لازم يتشطب، أنا بطلب من إبراهيم نور الدين، واتحاد الكرة، بشطب الحكم، أنا يهمني العقوبة الأدبية والشرفية، واحد طلع سر لازم يتشطب ولازم يتم الإعلان عن العقوبات.

مش شرط يكون محمد عادل، حكم المباراة اللي سرب المعلومات ممكن اللي خرج المعلومة حكم الفار أو المساعد، ده لازم يتشطب ويتحاكم ده واحد غير أمين»، مضيفًا: «لازم يتم إجراء تحقيق كبير لمعرفة من سرب حديث الحكام في الڤار، حتى شركة الڤار اللي موجودة تتحاسب، لازم نعرف الفيديو خرج إزاي؟!

لازم نعرف التسجيل وصل ازاي للإعلام؟! حتى لو رئيس اتحاد الكرة اللي عمله يبقى غلط لو عضو مجلس إدارة الإتحاد اللي طلعه يبقى غلط، لو حد من لجنة الحكام، يتشطب، احنا بنتكلم في حاجة مهنية.

أنا بقالي 35 سنة في التحكيم عمر ما حاجة زي دي حصلت، الاتحاد الدولي لو عرف اللي حصل ممكن يلغي الڤار من عندنا، احنا بنعمل اختراعات .

أولا: ترك الكابتن سمير عثمان ما حدث و تناول كيفية وصول الصوتيات إلى الإعلام 

جاهلا بأن دور الإعلام هو كشف الحقائق أمام الرأي العام ويترك الحكم للجمهور.

ثانياً: طالب سمير عثمان إبراهيم نور الدين و الإتحاد بشطب من قام بتسريب المحادثة معللاً ذلك بأنه شخص غير أمين 

الرد أن ما حدث من هذا الشخص هو قمة الأمانة ، وأن لم يكن هذا حدث ما كان وصل إلى الرأي العام ، وكان الموضوع مات.

ثالثاً: الكابتن سمير عثمان بيقول: لو اللي طلع الكلام ده رئيس الإتحاد ذات نفسه يبقى غلط ، ولو عضو في الإتحاد يبقى غلط ، وجه على حكم المباراة أو حكم تقنية الفيديو وقال يتشطب ، وكان من يحاكم هو الشخص الأقل مسؤولية ، ولا يحاكم الكبار ، لو كان الكابتن سمير عثمان ، بدأ بعقوبة الكبار حتى وصل إلى الأصغر كان رأيه يحترم ، ولكنه ألقى اللوم كاملا على الحكم أن كان هو من سرب المعلومة أو حكم الفيديو فقط .

سؤال للكابتن سمير عثمان! اين الشفافية.